مقالات مشابهة
الفهرس
هى الصفرا ممكن تموت؟؟؟
طفلة تعانى من داء الصفراء مولودة منذ 3 ايام
و هذا ما طلبه الطبيب منهم
اشياء لازمة للطففل الذى يعانى من الصفرا يطلبها الطبيب .
1- سحب تحاليل صفرا
2- صورة دم
3- عد شبكى
4- فصيلة دم فورا
5- طلب كيس دم لان الطفلة فى تلك الحالة قد تحتاج الى دم
الى جانب حجز الطفلة بالحضانة و دخول الكبسولة فورا
بسؤال الاب و الام الصفرا متى ظهرت الصفرا
كان الجواب انه من اول يوم و راحوا كشفوا و الدكتور طلب منهم تحليل صفرا و ان الطفلة ممكن تحتاج حضانة و لم يهتموا اعتقادا منهم انه لا حاجة للطفلة لدخول الحضانة
و بالسؤال عن فصيلة دم الام طلعت O+ve
الصفرا طلعت 31
الى جانب و فى تكسير فى خلايا الدم و فصيلة الطفلة B+ve
ايضا علامات مخيفة فى فحص الطفلة ارتفاع بدرجة الحرارة 39 غير مستجيب للعلاج
ايضا بكاء متواصل و فحص عصبى غير طبيعى و ده من علامات وصول الصفرا للمخ و حدوث تضرر
الاب جاب الدم بسرعة و عملت للبنت تغيير للدم بدون تأخير لانقاذ ما يمكن انقاذه
عواقب اهمال الوالدين لعلاج الصفرا
الصفرا بالفعل بعد التغيير و العلاج الضوئى نزلت ل 18 بس بعد فوات الاوان لان العلامات الحيوية للطفلة بدأت فى التدهور و حصل توقف بالتنفس و القلب
الحالات اللى زى كده حتى لو عدت بيكون فى احتمال كبير لحدوث نسبة ضمور بالمخ و تأثر للسمع
لاسف الاهمال فى العلاج فى الغالب يؤذى الطفل
نسب الصفرا المختلفة عند الاطفال حدثى الولادة و مؤشرات الخطر .
الصفرا فى الاطفال حديثى الولادة بتحصل فى تقريبا 60% من الاطفال حديثى الولادة و بتوصل ل 80% للاطفال المبتسربن معظمها بتكون صفراء فيسيولوجية و دى بتظهر غالبا فى اليوم التانى او التالت و مبتعديش مستوى معين بيختلف طبقا للعمر و مش بتحتاج اى علاج فقط متابعة مع الطبيب و رضاعة
فى نوع تانى من الصفرا المرضية غالبا بيظهر فى اول 24 ساعة و بيصاحبه تكسير فى الدم و ارتفاع شديد و سريع للصفرا ممكن يأثر على المخ او يؤدى للوفاة زى ما حصل للطفلة .
اسباب كتيرة اهمها اختلاف الفصائل بين الام و الطفل لو الام RH سالب و الطفل موجب و دى لحسن الحظ ممكن نمنعا بحقنة ال RH اللى بتاخدها الام بعد كل اجهاض او ولادة
النوع التانى كتلك الحالة ان الام تكون O و الطفل A او B و مش كل الحالات بتحصل معاها تقريبا 15 % و للاسف النوع ده مفيش حاجة تمنعه و ممكن يحصل مع اول حمل و بتختلف الشدة من حالة للتانية و لما الطفل يكون B بتكون الحالة اعنف
طبعا اسباب تانية كتير بس بتكلم على الاسباب المشهورة و الاكثر انتشارا
الخلاصة الطفل عنده صفرا يكشف عند طبيب متخصص و هو اللى يحدد ايه السبب و العلاج و بلاش اراء شخصية او اخوه او ابن عمه جاله الصفرا و خف لما حطيناه على اللمبة النيون و الخرافات دى معتقداتك و ارائك تحتفظ بيها لنفسك و بلاش تشكيك فى كلام الطبيب المعالج روح لدكتور بتثق فيه و تنفذ كلامه بعد ما تفهم منه كل حاجة و ده حقك
علامات الانذار لما الطفل يكون عنده صفرا
1-ظهور الصفرا فى اول 24 ساعة
2-ارتفاع درجة الحرارة مع الصفرا
3-عدم القدرة على الرضاعة و الطفل حركته قليلة و نايم على طول و بتصحيه بالعافية ممكن تكون الصفرا عالية جدا او فى ميكروب فى الدم فى الحالة دى
4-بكاء متواصل او تشنجات
5-لون البراز ابيض زى الطحينة CLAY STOOLS ده من علامات ارتفاع الصفرا المباشرة زى حالات انسداد القنوات المرارية و ده بيحتاج عملية خلال اول شهر لو بعد كده غالبا بيحتاج زراعة كبد
6-ترجيع مستمر
7-لو فى طفل قبل كده الصفرا عليت عنده جدا او لو فصيلة دم الام O هنحتاج متابعة كويسة و ناخد بالنا
فى نوع تانى مشهور من الصفرا اسمه صفرا لبن الام Breast milk jaundice و ده بيظهر متأخر غالبا على سن من اسبوع ل 14 يوم و الطفل بيكون كويس جدا و بيرضع كويس رضاعة طبيعية فقط و غالبا مبتوصلش لنسب عالية و لا تحتاج علاج ضوئى او وقف للرضاعة الطبيعية الا لو وصلت 20 او اكتر و بتختفى عند سن من شهرين ل 3 شهور بس طبعا بتتشخص بعد استبعاد اسباب تانية كتير و دى مهمة الطبيب المعالج
برجاء مشاركة المنشور مع كل من فى مرحلة الحمل للتوعية و حفاظا على حياة اطفالهم
مع تحيات صفحة
