مقالات مشابهة
عاوزيين عينه بول أخرى يا فندم؟
الفهرس
ازاي تجيب عينه بول لتحليل البول الكامل و ايه الوقت المفضل لجمع العينه 
✨؟
- اول حاجه لازم تتنظف المنطقه الخاصه قبل جمع العينه عشان مينزلش بقايا خلايا ميته أو بكتريا من الخارج مع عينه البول
- بالنسبه للسيدات لازم يحصل تنظيف من الافرازات المهبلية….. وايه كمان ممنوع تجيبي عينه بول وقت البيرود تستنى لما تخلص خالص وتغتسلي
- العينه المفضله هي عينه الصبح بدري عشان تركيزها بيبقى أعلى وممكن اي عينه عادي بس ممكن تتطلب منك تحديدا لو بندور على سبب لعرض معين
- العينه تتجمع في كوب معقم تطلبه من المعمل لو هجيب العينه من الخارج
- بالنسبه للأطفال عينات البوتي واللي مختلطه ببراز مرفوضه بالثلث لمصلحه الطفل لأن النتيجه هتتاثر وهتظهر مكونات مش موجوده اصلا وعينك مش المرجع لقبول ورفض العينه
- البرطمانات و علب الايس كريم من عينه و الله غسلناها أو دخلت الميكروويف… لا وتشطفي الطفل قبل ماتاخدي منه العينه ولد او بنت .
- يفضل أن الجزء اللي يتجمع من البول هو الجزء اللي في منتصف عمليه التبول
- اه في حاجه كمان… مفيش رش بيرفيوم أو جيب عينات بول في أكياس العيش والاكل .
- ياريت لو بتاخد علاج سكر أو كلي أو في تفاصيل خاصه بحالتك تقول ده مش هيقلل الاهتمام بحالتك…
- لو هتجيب العينه من خارج المعمل ميعديش عليها ساعه
- طبعا كل النتبيهات اللي فوق دي خاصه بتحليل البول و اي عينه بول تتطلب لمزرعه أو فحوصات أخرى و العينه ميجيش عليها صابون أو بقايا مناديل ولو قليله متكملهاش بالميه حصلت فعلا
متمشيش من المعمل لغايه ميتكتب الاسم على العينه أو يتحطلها باركود جل من لا يسهو
شكرا
Dr/Yousra Farouk
أخصائي تحاليل…..
صفحة استشارات مصر
