تحليل البول متى يطلب و شروط العينة .

شروط و اسباب تحليل البول

عاوزيين عينه بول أخرى يا فندم؟

ازاي تجيب عينه بول لتحليل البول الكامل و ايه الوقت المفضل لجمع العينه ؟

  1. اول حاجه لازم تتنظف المنطقه الخاصه قبل جمع العينه عشان مينزلش بقايا خلايا ميته أو بكتريا من الخارج مع عينه البول
  2.  بالنسبه للسيدات لازم يحصل تنظيف من الافرازات المهبلية….. وايه كمان ممنوع تجيبي عينه بول وقت البيرود تستنى لما تخلص خالص وتغتسلي
    [ads1]
  3. العينه المفضله هي عينه الصبح بدري عشان تركيزها بيبقى أعلى وممكن اي عينه عادي بس ممكن تتطلب منك تحديدا لو بندور على سبب لعرض معين
  4. العينه تتجمع في كوب معقم تطلبه من المعمل لو هجيب العينه من الخارج
  5. بالنسبه للأطفال عينات البوتي واللي مختلطه ببراز مرفوضه بالثلث لمصلحه الطفل لأن النتيجه هتتاثر وهتظهر مكونات مش موجوده اصلا وعينك مش المرجع لقبول ورفض العينه
  6. البرطمانات و علب الايس كريم من عينه و الله غسلناها أو دخلت الميكروويف… لا  وتشطفي الطفل قبل ماتاخدي منه العينه ولد او بنت .
  7. يفضل أن الجزء اللي يتجمع من البول هو الجزء اللي في منتصف عمليه التبول
  8. اه في حاجه كمان… مفيش رش بيرفيوم أو جيب عينات بول في أكياس العيش والاكل .
    [ads2]
  9. ياريت لو بتاخد علاج سكر أو كلي أو في تفاصيل خاصه بحالتك تقول ده مش هيقلل الاهتمام بحالتك… 
  10. لو هتجيب العينه من خارج المعمل ميعديش عليها ساعه 
  11. طبعا كل النتبيهات اللي فوق دي خاصه بتحليل البول و اي عينه بول تتطلب لمزرعه أو فحوصات أخرى و العينه ميجيش عليها صابون أو بقايا مناديل ولو قليله متكملهاش بالميه حصلت فعلا
    متمشيش من المعمل لغايه ميتكتب الاسم على العينه أو يتحطلها باركود جل من لا يسهو 

[ads1]
شكرا
Dr/Yousra Farouk
أخصائي تحاليل…..

صفحة  استشارات مصر 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *